احصائيات المدونة

الاثنين، 25 مارس 2013

مكالمه بين 2 مرتبطين

6:25 م    أضف تعليقك





فى اخر مكالمة ما بينهم كان حوارهم كدة :-
هو : هو ينفع منتكلمش تانى
هى : ليه يعنى ؟؟ !! مش احنا صحاب ؟؟
هو : لا مش صحاب انتى بتكلمينى على حاجة تانية وانا مش عايز ومش مستعد لكده دلوقتى لسه قدامى كتير
هى : على فكرة انا مطلبتش منك حاجة و اذا كان ده احساس وصلك ف غصب عنى اكيد
هو : معلش خلينا كده احسن
هى : اللى بريحك ماشى
( و بصوت مخنوق ).............. انا هقفل
هو : سلام
========================
بعد المكالمة
هى حالة انهيار و بتعيط بهيسترية وكلام كتير و مشاعر متلخبطة بين كره و حب و خنقة وجرح لكرامتها اللى اتهانت قبل قلبها

هو : شايف انه عمل الصح عشان ميظلمهاش معاه ولا يظلم نفسه و يفضل مع واحدة مش عارف بيحبها ولا لا
=========================
بعد اسبوع
هى: لسه مستنيه مكالمة منه او حتى سؤال و نفسها تسمع صوته بس برضه كرامتها مانعاها

هو :عايش حياته عادى و بيوهم نفسه انه ناسيها
=============================
بعد شهر
هى بدأت تتعود وتعيش حياتها مع صحباتها وتركز على مستقبلها

هو : حاسس انها واحشته بس بيكابر و بيقول هى بكرة تتصل
=============================
بعد 3 شهور
هى : حبت جديد و بدأت حياتها من جديد

هو بيطمن عليها من صفحتها الشخصية و يتصل من ارقام غريبة بس عشان يسمع صوتها
==========================

و ف يوم اتصل بيها ردت عليه اختها و كانت المكالمة كده :
هو: ألو يا .......

اختها : لا انا اختها
هو : طب هى فين
اختها هى جوة ف القاعة بترقص مع خطيبها
انت مين ؟؟
هو : حد مش مهم و قوليلها مبروك وقفل ..
==============================
هى : جرحها إتداوى و عاشت حياتها مع حد يستاهل ♥
هو : هيعيش ندمان طول حياته على واحدة حبته بجد و ضيعها بالساهل :)

0 التعليقات:

إرسال تعليق